‘हाम्रो पुस्तकालय : हाम्रो भविष्य’ विषयक कार्यशाला
काठमाडौँ । १८ औँ पुस्तकालय दिवसको सन्दर्भ पारेर नेपाल ललितकला प्रज्ञा–प्रतिष्ठान र शिक्षा विज्ञान तथा प्रविधि मन्त्रालयको आयोजनामा ‘हाम्रो पुस्तकालय : हाम्रो भविष्य’ विषयक कला कार्यशाला सम्पन्न भएको छ ।
कार्यशालाको माननीय शिक्षा, विज्ञान तथा प्रविधिमन्त्री रघुजी पन्तले उद्घाटन गरे । उनले चित्रकला र पुस्तकालय एक–आपसमा परिपूरक रहेको बताए । चित्रकारहरूलाई पुस्तक अध्ययन गर्नका लागि आग्रह गर्दै उहाँले यसले गर्दा चित्र अझै सरल र मजबुतका साथ प्रस्फुट हुने बताए ।
प्रतिष्ठानका सदस्य सचिव देवेन्द्रकुमार काफ्ले ले पुस्तकालयले चेतना विकासमा प्रमुख भूमिका खेल्ने हुनाले यसलाई सबैको पहुँचसँग जोड्नुपर्ने बताए । उहाँले प्रतिष्ठानले आगामी दिनमा यस्ता कार्यक्रमलाई निरन्तरता दिने बताए । कार्यक्रमका सभाध्यक्ष तथा बहुआयामिक तथा अन्य सिर्जनात्मक कला विभाग प्रमुख सौरगंगा दर्शनधारीले चित्रकलाको शिक्षामा महत्त्वपूर्ण भूमिका रहेको बताउँदै बालबालिकाको अध्ययनको सुरुवात चित्रबाट नै हुने बताए ।
कार्यक्रममा प्रतिष्ठानका परम्परागत चित्रकला विभाग प्रमुख पाल्साङ्मो लामा, वास्तुकला तथा लोककला विभाग प्रमुख प्रदीप अधिकारी, मूर्तिकला विभाग प्रमुख दिनेश्वर महतो, शिल्प–हस्तकला विभाग प्रमुख अरुणा हिङमाङ, शिक्षा, विज्ञान तथा प्रविधि मन्त्रालयका उपसचिव प्रेमराज अधिकारी, राष्ट्रिय पुस्तकालयका प्रमुख प्रदीप भट्टराई, सुरेम देशार लगायतको उपस्थिति रहेको थियो ।
सम्बन्धित समाचार
प्रतिकृया दिनुहोस