‘कति छन्’ शीर्षकमा नयाँ गीत
काठमाडौं । द एन्जल्स ब्यान्डले ‘कति छन्’ शीर्षकको नयाँ गीत सार्वजनिक गरेको छ । गीतमा ब्यान्डका प्रमुख गायक राजु लामाको आवाज रहेको छ । गीतको संगीत र शब्द स्व. सुनिल बर्देवाले तयार पारेका थिए। गीतले नेपाली संगीतप्रेमीहरू माझ बर्देवाको योगदानलाई पुनः ताजगी स्मरण गराएको छ । गीतको भिडियोमा द एन्जल्स ब्यान्डका सदस्यहरूको प्रस्तुति रहेको छ, जसमा गायक राजु लामासँगै राजेश, बिकाश र ताशी रहेका छन् ।
गीत आरएल डिजिटल रेकर्डिङ स्टुडियो, बाल्टिमोर, अमेरिकामा रेकर्ड गरिएको हो र भिडियो पनि अमेरिकामा नै तयार पारिएको छ । संगमकै निर्देशन तथा छायांकन रहेको गीतमा ग्राफिक्स बालकृष्ण श्रेष्ठको रहेको छ । सम्पादनमा अन्जय खड्का र बालकृष्ण श्रेष्ठले सहकार्य रहेको छ । गायक लामाले भिडियोको अवधारणा तयार पारेका हुन ।
गीत स्वर्गीय सुनिल बर्देवा (गुरु बा) लाई श्रद्धाञ्जली स्वरूप समर्पित गरिएको गायक लामाले बताए । बर्देवा नेपाली पप संगीतका चर्चित गायक, गीतकार, संगीत संयोजक र गिटारवादक हुनुहुन्थ्यो, जसले गिटारमा विशेष दक्षता हासिल गरेका थिए । उनका ’गोरटो अनि उस्तै छ गली’ र ’बिहानीमा’ जस्ता गीतहरू विशेष चर्चित छन्। बर्देवा सन् २०१६ मा ४४ वर्षको उमेरमा दिवंगत भएका थिए ।
प्रतिकृया दिनुहोस