थप ११२ जनामा कोरोना पुष्टि,४ संक्रमितको मृत्यु
काठमाडौं । पछिल्लो २४ घण्टामा थप ११२ जनामा कोरोना संक्रमणको पुष्टि भएको छ । जसमा महिलाको संख्या ४४ र पुरुषको संख्या ६८ रहेको छ।
योसँगै नेपालमा कोरोना संक्रमितको संख्या दुई लाख ७३ हजार ९८४ पुगेको छ । त्यस्तै २४ घण्टामा ५४ जना संक्रमणमुक्त भएका छन् भने देशमा कोरोनामुक्त हुनेको संख्या दुई लाख ७० हजार २७ पुगेको छ ।
त्यस्तै देशभर सक्रिय संक्रमितहरुको संख्या ९ सय ३६ रहेको छ। यसैगरी क्वारेन्टाइनमा रहनेको संख्या ७१ रहेको छ। पछिल्लो २४ घण्टामा देशभर ३ हजार ९४४ जनाको पीसीआर परीक्षण हुँदा हालसम्म कुल २१ लाख ५७ हजार ५८० जनाको पीसीआर परीक्षण भएको छ ।
पछिल्लो २४ घण्टामा थप ४ संक्रमितको मृत्यु भएको छ। हालसम्म नेपालका कोरोना संक्रमणबाट मृत्यु हुनेको संख्या २ हजार ७ सय ७१ पुगेको छ ।
सम्बन्धित समाचार
प्रतिकृया दिनुहोस