नोरा फतेही नेपाल आउने
काठमाडौं । बलिउड अभिनेत्री तथा आईटम गर्ल नोरा फतेही नेपाल आउने भएकी छिन् । जेष्ठ ३ मा हायात ग्राउण्ड, बौद्ध टुसालमा आयोजना हुने ‘नोरा फतेही लाईभ ईन नेपाल’ मार्फत नोरा नेपाली दर्शकहरुलाई नचाउंन आउदैछिन् ।
वल्र्डवाइर्ड फिल्मस् नेटवर्क प्रा.लि.को आयोजना हुने कार्यक्रम शिक्षाबाट बञ्चित बालबालिकाहरुको क्षेत्रमा काम गर्दैआएको ह्युमन रेस्पेक्ट नेपालको सहयोगार्थ आयोजना हुनेछ भने मनु मिडिया प्रा.लि.ले इभेन्ट व्यवस्थापन हेर्नेछ । नेपालमा आयोजना हुँदै आएका ईन्टरनेशनल आर्टिष्टहरुको शोबीच ‘नोरा फतेही लाईभ ईन नेपाल’ अझ उत्कृष्ट हुने दाबी गर्छन् इभन्ट म्यानेजर मनिष कार्की । जसका लागि मुम्बईबाट नोरासहित २० बढी कोरस डान्सरहरु प्रस्तुतिका लागि नेपाल आउनेछन् ।
पुर्ण मनोरञ्जन सहितको कार्यक्रम हेर्न नेपालीसंगै सिमावर्ती क्षेत्रका भारतिय दर्शकहरु समेत नोरालाई हेर्न आउने विश्वास आयोजक संस्थाले राखेको छ । जहाँ दर्शकहरुले नृत्य र संगीतको भरपुर मजा लिन सक्नेछन् । फिल्म निर्माण र सामाजिक काममा लाग्दै आएका देव मगर आयोजक संस्थाका अध्यक्ष मगरका अनुसार नोरा फतेही लाईभ इन नेपाल मा चर्चित नेपाली कलाकारहरुको पनि प्रस्तुति रहनेछ ।
आयोजक संस्थाले टिकेटको मुल्य २ हजार, ४ हजार, ७ हजार र १६ हजार तय गरिएको छ भने आइतबारदेखि खल्ती एपमार्फत टिकेट काट्न सकिनेछ । कार्यक्रममा इन्टरनेशनल कोर्डिनेटरका रुपमा युद्व बाँनिया रहेका छन् ।नोराले बलिउडमा दिलबर दिलबर, कुसु कुसु, ओ साकी साकी, नाच मेरी रानीलगायत सुपर हिट गीतहरुमा काम गरेकी छिन् ।
सम्बन्धित समाचार
प्रतिकृया दिनुहोस