जो ‘भारत’ को नामले चर्चित थिए !
काठमाडौँ । अभिनेता मनोज कुमारको ८७ वर्षको उमेरमा शुक्रबार बिहान मुम्बईको कोकिलाबेन अस्पतालमा निधन भएको छ । ‘भारत’ कुमारको नामले प्रसिद्ध अभिनेता मृत्युप्रति सामाजिक सञ्जालमा श्रद्धाञ्जलि व्यक्त गर्नेहरुको ओइरो लागेको छ । अभिनेता, चलचित्र निर्देशक, पटकथा तथा गीत लेखनका लागि पनि उहाँले भारतीय चलचित्र क्षेत्रम योगदान दिएका थिए । उनको जन्मको वास्तविक नाम हरिकृष्ण गोस्वामी थियो भने उनले नै बलिउडमा आफ्नो नाम मनोज कुमार राखेका थिए ।
देशभक्तिपूर्ण चलचित्रहरूका लागि परिचित उनका उपकार, पूर्वपश्चिम, क्रान्ति, रोटी–कपडा और मकान चर्चित चलचित्र थिए । उनी लामो समयदेखि कलेजो सिरोसिसबाट पीडित थिए । उनको अवस्था बिग्रिएपछि उनलाई फेब्रुअरी २१, २०२५ मा अस्पताल भर्ना गरिएको भारतीय सञ्चारमाध्यमहरुले जनाएका छन् ।
मनोज कुमारले ७ वटा फिल्मफेयर अवार्ड पाएका थिए । पहिलो फिल्मफेयर अवार्ड १९६८ मा फिल्म उपकारको लागि प्राप्त गरेको थियो । उपकारले सर्वश्रेष्ठ चलचित्र, सर्वश्रेष्ठ निर्देशक, सर्वश्रेष्ठ कथा र सर्वश्रेष्ठ संवादको लागि चार फिल्मफेयर पुरस्कार जित्यो । उनलाई १९९२ मा पद्मश्रीबाट सम्मानित गरिएको थियो । २०१६ मा उहाँलाई दादासाहेब फाल्के पुरस्कारबाट सम्मानित गरिएको थियो । एजेन्सी
प्रतिकृया दिनुहोस