पत्रकार नेपाललाई ‘राष्ट्रिय गौरव सम्मान’
काठमाडौं । पत्रकार सुकृत नेपाललाई ‘राष्ट्रिय गौरव सम्मान’ प्रदान गरिएको छ । नेपाल टेलिभिजनमा कार्यक्रम सचेतना प्रस्तुत गर्दै आएको ग्लोरी मिडियाले सो कार्यक्रम १५ वर्ष पूरा भएको अवसरमा आइतबार आयोजित ग्लोरी टिन एन्ड किड्स ट्यालेन्ट प्रतियोगिताका अवसरमा उक्त सम्मान प्रदान गरिएको हो ।
नेपालसँगै राइजिङ नेपालकी पत्रकार रेणुका ढकाल र नेपाल टेलिभिजनका क्यामराम्यान अशोककुमार बस्नेतलाई पनि सम्मान प्रदान गरिएको थियो । नेपाललाई १० हजार रुपियाँ, बस्नेत र ढकाललाई पाँच हजार राशिसहित राष्ट्रिय गौरव पत्रकारिता पुरस्कारबाट सम्मानित गरिएको हो ।
कार्यक्रममा विभिन्न क्षेत्रबाट राष्ट्रिय योगदान पु¥याएका प्रतिष्ठित व्यक्तित्वलाई पनि सम्मान प्रदान गरिएको थियो । कार्यक्रममा नेपाल चेम्बर अफ कमर्सकी उपाध्यक्ष, नेपाल महिला चेम्बरकी अध्यक्ष एवं साल्ट ट्रेडिङ कर्पोरेसन लिमिटेडकी सिइओ उर्मिला श्रेष्ठले यसप्रकारको सम्मानले सबैलाई अझ सशक्त भएर अगाडि बढ्न प्रेरित गर्ने विश्वास आफूले लिएको बताइन ।
कार्यक्रममा आयोजक संस्था ग्लोरी मिडियाका अध्यक्ष तथा प्रबन्ध निर्देशक सरोज ओझाले यस्ता प्रतियोगिताले बाल प्रतिभाको सम्मान गर्दै समाजमा सकारात्मक प्रभाव पार्ने र भविष्यमा अझ बढी प्रतिभावान पुस्ता तयार गर्न प्रेरणा दिने विश्वास व्यक्त गरेका थिए ।
सम्बन्धित समाचार
प्रतिकृया दिनुहोस