• शनिबार ४-१६-२०७८/Saturday 07-31-2021
फेशन

प्रजातन्त्र दिवसको कारण मिस नेवा : नेपाल ११४१ एकसाता पछि सर्‍यो

काठमाडौं । नेवार सुन्दरीहरुको सौन्दर्य प्रतियोगिता मिस नेवा : नेपाल यस वर्ष निर्धारित मितिभन्दा एक साता पछि हुने भएको छ ।

 

नेवार समुदायका युवतीहरुका लागि नेप्लिज फेशन होमले आयोजना गर्दै आएको मिस नेवाः नेपाल यस वर्ष फागनु ७ गते कमलादिस्थित नेपाल प्रज्ञा प्रतिष्ठानमा गर्ने पक्का गरे पनि सरकारले प्रजातन्त्र दिवस सम्बन्धि कार्यक्रम प्रतिष्ठानमै गर्ने भएपछि एक साता पछाडि सार्नु परेको नेप्लीज फेसन होमकी अध्यक्ष हेमा मानन्धरले जानकारी दिईन। प्रधानमन्त्री केपी शर्मा ओलीको सहभागितामा प्रजातन्त्र दिवस सम्बन्धी कार्यक्रम तोकिएकाले मिस नेवाः को कार्यक्रम एक सातापछाडिलाई सारिएको मानन्धरले बताइन् ।

 

अब १५ औं संस्करणको मिस नेवाः नेपाल ११४१ फागुन ७ को साटो फागुन १५ गते नेपाल प्रज्ञा प्रतिष्ठानमा आयोजना हुनेछ। मिस नेवाःका प्रतिस्पर्धीहरु मिस ट्यालेन्ट लगायतका कार्यक्रम तथा विभिन्न तालिम, प्रशिक्षण र भ्रमणपछि अहिले अन्तिम प्रतिस्पर्धामा भिड्ने तयारीमा जुटेका छन् । 

 

१५औं संस्करणको मिस नेवाः नेपाल ११४१ मा १५ जना नेवार सुन्दरीहरु अन्तिम प्रतिस्पर्धामा भिड्दैछन्। नेप्लीज फेसन होमले डेढ दशकदेखि नेवार समुदायका युवतीहरुका लागि मिस नेवाः नेपाल आयोजना गर्दै आएको छ भने नेवार समुदायका बालिकाहरुका लागि लिटिल मिस नेवाः आयोजना गर्दै आएको छ। नेवार समुदायको कला, भाषा र संस्कृतिलाई जीवन्त राख्न यस्तो प्रतियोगिता आयोजना गर्दै आएको नेप्लीज फेसन होमकी अध्यक्ष मानन्धरले बताइन ।

प्रतिकृया दिनुहोस
सम्बन्धित समाचार