नेपाली कांग्रेसको विधान मस्यौदामा नेताहरु सहमति नजिक
काठमाडौं । काठमाडौंमा जारी नेपाली कांग्रेसको महासमिति बैठकमार्फत विधान मस्यौदामा पनि सहमति हुने संकेत देखिएको छ ।
मंगलबार अपरान्ह केन्द्रीय समितिको छलफलबाट विधान मस्यौदामा लगभग सहमति भएको नेताहरुले बताएका छन् । अब विधानका विषयमा केन्द्रीय समितिले अनुमोदन गर्ने र महासमिति बैठकमा पेस गर्ने तयारी भएको छ ।
विधानमा उपसभापति, महामन्त्री र सहमहामन्त्री दुईरदुई गरी आठ जनाको पदाधिकारी बनाउने सहमति भएको बताइएको छ ।
कोषाध्यक्ष भने केन्द्रीय समितिबाट मनोनीत गर्ने बताइएको छ। पदाधिकारी सरहको प्रवक्ता पनि मनोनीत गर्ने सहमति भएको बुझिएको छ ।
साँझ बसेको पदाधिकारी र पूर्वपदाधिकारीको बैठकले यो निर्णय गरेको हो । ७१ पृष्ठ लामो विधान मस्यौदा केन्द्रीय समितिले पारित गरेपछि छाप्न प्रेसमा पठाइनेछ ।
यसअघि विधान मस्यौदालाई अन्तिम रूप दिन शीर्ष नेताहरू बैठक बस्दा दिउँसो ३ बजे मात्र महासमिति बैठक बसेको थियो। लामो प्रयासपछि विधान मस्यौदामा सहमति जुटेको हो।
प्रतिकृया दिनुहोस