काठमाडौंमा पहिलोपटक रुसी चलचित्र दिवस
काठमाडौँ । बिहीवारदेखि काठमाडौंमा जारी नेपाल अन्तर्राष्ट्रिय फिल्म महोत्सव (निफ) को क्रममा रुसी फिल्महरूको प्रदर्शन आयोजना गरिएको छ । शनिवार काठमाडौंको छायाँ सेन्टरमा रोस्किनोले रुसी चलचित्र दिवसको आयोजना गरेको हो । रोस्किनोद्वारा आयोजित तथा रूसी संस्कृति मन्त्रालयको सहयोगमा तीन वटा रुसी फिल्महरु प्रदर्शनी गरिएको छ । प्रदर्शन भएका फिल्महरुमा चार चौथाई, न्युरेम्बर्ग र हामी तीन जना छन् ।
निफका अध्यक्ष केपि पाठकले निफमा रसियन चलचित्र दिवस पहिलो पटक मनाएकोमा खुशी व्यक्त गरे । उनले विभिन्न देशसँगको चलचित्र सहकार्य कायम गर्न खोजेको र संसारका चलचित्र नेपालीसहित विश्वमाझ देखाउन चाहने बताए । उनले यस वर्षको निफमा रसियन समाज, रसियन चलचित्र र रसियन गतिविधिलाई अगाडि बढाउने लक्ष्य रहेको बताए ।
रसियन कल्चर सेन्टरका निर्देशक एनथम मास्लोवले नेपाली दर्शकले रसियाको बारेमा र रसियाको चलचित्रको बारेमा देखाउनु भएको उत्साह सराहनीय भएको बताए । उनले रसियन एम्बेसी तथा रोस्किनोको सहकार्यमा निफले शुरूवात गरेको यो कदमले अझै धेरै रसियन फिल्म, संस्कृति र रसियनहरूको जीवन देखाउन खोजेको बताए । अन्तराष्ट्रिय चलचित्र महोत्सवको विशेषता नै यहिँ हो ।
सम्बन्धित समाचार
प्रतिकृया दिनुहोस