कर्णाली याक्सको रोमान्चक जित
काठमाडौं । कर्णाली याक्सले विराटनगर किंग्समाथि रोमान्चक जित हासिल गरेको छ । शनिवारको दोस्रो खेलमा कर्णालीले ७ रनको रोमान्चक जित हात पारेका छ । कर्णालीले दिएको १ सय ३४ रनको लक्ष्य पछ्याएको विराटनगरले निर्धारित २० ओभरमा ८ विकेट गुमाएर १ सय २६ रन मात्र बनाउन सक्यो ।
विराटनगर किंग्सका लागि निकोलस कीर्तनले सर्वाधिक ४० रन बनाउका थिए । उनले ३९ बलमा ४ चौका र १ छक्का प्रहार गरेका थिए । ४० रन बनाउँदै कीर्तन १८औं ओभरको चौथो बलमा नन्दन यादवबाट बोल्ड आउट भएका थिए । लोकेस बमले १९ रन बनाए । उनी विपिन शर्माबाट बोल्ड आउट भएका थिए । यस्तै १३ बलमा १८ रन बनाएका दिपक बोहोरा विपिन शर्माको बलमा बोल्ड आउट भएका थिए । कर्णालीका लागि नन्दन यादवले ३, विपिन शर्माले २ तथा सोमपाल कामी, विलियम बोसिस्टो र युनिश बिक्रम सिंहले समान १ विकेट लिए ।
टियु क्रिकेट मैदानमा टस हारेर ब्याटिङ गरेको कर्णालीले १ सय ३३ रन मात्र बनाएको थियो । कर्णालीका लागि विलियम बोसिस्टोले सर्वाधिक ६६ रन जोडेका थिए । उनले ४९ बलमा ५ चौका र ५ छक्का प्रहार गरेका थिए ।
ओपनर देव खनालले ४८ बलमा ४ चौका र २ छक्काको सहयोगमा ५३ रन जोडे । कर्णालीका ओपनर तथा पुर्व भारतीय टोलीका ओपनर शिखर धवन ५ बलमा ५ रन बनाउँदै आउट भए । धवनलाई प्रतिस जिशीले दोस्रो ओभरको तेस्रो बलमा बोल्ड आउट गरेका थिए । विराटनगरका लागि प्रतिस जिशीले ४ विकेट लिए भने बसिर अहमद, क्रिस सोलले समान २ तथा अकिब इल्यासले १ विकेट लिएका थिए ।
आजै भएको पहिलो खेलमा सुदूरपश्चिम रोयल्सले लुम्बिनी लायन्समाथि ४५ रनको जित हात पारेको थियो । आइतवार लिगमा २ खेल आयोजना हुदैछ । पहिलो खेलमा लुम्बिनी लायन्स र जनकपुर बोल्ट्स तथा दोस्रो खेलमा सुदूरपश्चिम रोयल्स र चितवन राइनोज खेल्दैछन् ।
सम्बन्धित समाचार
प्रतिकृया दिनुहोस