उद्योग व्यवसाय सञ्चालन गर्न आवश्यक वातावरण बनाउन नाडाको सरकारसँग आग्रह
काठमाडौं । नाडा अटोमोवाइल्स एशोसियशन अफ नेपालले उद्योग व्यवसाय चल्न दिन सरकारसँग आग्रह गरेको छ ।
नाडाले सरकारले यथासक्य चाँडो जनतालाई कोभिडविरुद्धको खोपको व्यवस्था गरी संक्रमणबाट बच्ने अन्य सुरक्षात्मक उपायहरूको पालन गराउँदै उद्योग व्यवसाय सञ्चालन गर्ने वातावरण बनाउनुपर्ने जनाएको छ ।
निषेधाज्ञाका कारण जनता स्वयं नै आफनो दुःख, पीडा र अभावमा परी बाध्य भएर सडकमा आउने संभावना प्रवल हुँदै गएको र यस्तो संभावित समस्यालाई सरकारले यथोचित सम्बोधन नगर्दा समस्या अरु भयावह हुने नाडाको भनाई छ ।
कोरोना संक्रमणको स्थितिलाई दृष्टिगत गर्दै निषेधाज्ञालाई क्रमशः खुकुलो बनाउँदै लैजान नाडाले सरकार संग आग्रह गरेको छ ।
प्रतिकृया दिनुहोस