वडा अध्यक्षको नेतृत्वमा प्रहरी चौकी आक्रमण
रुकुम । रुकुम पश्चिममा एक वडा अध्यक्षको नेतृत्वमा प्रहरी चौकीमा आक्रमण भएको छ ।
मंगलबार साँझ रुकुमको मुसिकोट नगरपालिका-१४ स्थित छिवाङ ज्युउलामा रहेको अस्थायी प्रहरी चौकी वडाअध्यक्ष दिपक केसीको नेतृत्वमा आक्रमण भएको हो ।
मादक पदार्थ सेवन गरेका वडाअध्यक्ष केसीले २५ जनाको युवा समूह लिएर साँझ चौकी आक्रमण गरेको प्रहरीले जनाएको छ ।
आक्रमणपछि उनीहरु फरार भएका छन् । केसी नेपाल कम्युनिष्ट पार्टी (नेकपा) बाट निर्वाचित वडाअध्यक्ष हुन्। फरार रहेका उनीहरुको खोजीकार्य भइरहेको डीएसपी तिम्सिनाले जानकारी दिए ।
सम्बन्धित समाचार
प्रतिकृया दिनुहोस