खट्क्यो अभाव
रोईरहेछ किन खिन्न बनी कुनामा
नेपाल यो अति अधीर भएर धामा
बेला भएन किन हो शुभ आरतीको
खट्क्यो अभाव नवसारथिको रथीको ।
बाधा बढे दिनदिनै जन जिन्दगीको
भो लोकमाथी शरकोसरि घात तीखो
चल्दैछ नृत्य लुटको धनको खतीको
खट्क्यो अभाव नवसारथीको रथीको ।
अन्याय घोर खनियो जुन केसमाथि
भो रक्षाकै अधम भक्षक भ्रष्ट घाती
मेटेर मानसिकता गुण मानवीको
खट्क्यो अभाव नवसारथीको रथीको ।
नेपाल नै फगत भास विशेषमा गो
फैलेर रोग दुनियाँ उ निशेषमा गो
सन्देश सुन्नु छ सबैतिर नै खतीको
खट्क्यो अभाव नवसारथिको रथीको ।
राखिन्छ भ्रष्ट र दलाल सिकारमा जो
थानी यहाँ फगत भौतिक ऐसमा गो
नाङ्गो छ दोहन हरे कुन इज्जती भो
खट्क्यो अभाव नवसारथिको रथीको ।
छाती विशेष त फलाम र काँचको भो
थोत्रो दिमाग अनि बानर नाचको भो
सारा विकाशधन शोषित भो खती भो
खट्क्यो अभाव नवसारथिको रथीको ।
उद्देश्य नै फगत वैभव खानमा भो
जान्दैन सङ्कट परे नपरे कहाँ त्यो
लाग्दैछ रोग जनता बिनु औखती भो
खट्क्यो अभाव नवसारथीको रथीको ।
प्रतिकृया दिनुहोस