मैदानमा फुटबल कोच बन्दै अजय देवगन
मुम्बई । बलिउडमा अजय देवगन राम्रो अभिनय गर्ने कलाकारको रुपमा चिनिन्छन् । उनी फिल्मको हरेक बिद्यामा फिट हुन्छन् ।
कमेडी, एक्सन, सस्पेन्स लगाएत हरेक अभिनयमा उनी प्रखर छन् । उनी फिल्ममा आफनो अनुहारले भन्दा पनि आखाँले गजबको अनुभुर्ती दिन सक्ने कलाकार हुन । अजय फिल्म निर्माता, वितरक र निर्देशक पनि हुन । उनले सय भन्दा बढि फिल्महरुमा अभिनय गरिसकेका छन् ।
सन् २०२० को सुरुवात मा प्रदर्शनमा आएको उनको फिल्म तानाजीले दुईसय करोडको व्यापार गर्न सफल भयो । गुमनाम योद्धाको कथामा आधारित यो बायोपिकको सफलता लगत्तै उनको अर्को बायोपिक फिल्म ‘मैदान’ को पोस्टर सार्वजनिक भएको छ ।
सहिद अब्दुल रहिम भारतका फुटबल कोच थिए जसको नेतृत्वमा भारतले सन १९५१ एण्ड १९६२ मा एसियन गेम जितेको थियो ।. अजय फिल्म ‘मैदान’ मा उनी कोच रहिमको भुमिाकमा देखिँदैछन् । हालै उनको यस फिल्मको पोस्टर सार्वजनिक भएको छ जसमा कसैको पनि अनुहार देखाइएको छैन ।
पोस्टरमा केवल हिलाम्य मैदान, खेलाडीको हिलाम्य खुट्टा र फुटबल देख्न सकिन्छ । हाल सुटिंङ भईरहेको यस फिल्मको पोस्टरलाई धेरैले रुचाएको कुरा सामाजिक संजालमा देख्न सकिन्छ । फिल्म नोभेम्बर २७, २०२० मा प्रदर्शनमा आउने भएको छ भने फिल्मलाई अमित रविन्द्रनाथ शर्माले निर्देशन गर्दैछन् ।
प्रतिकृया दिनुहोस