भदौ १० गतेदेखि नाडा अटो शो,सवारी साधन बिक्रीमा बिषेश छुट
काठमाडौं । यहि भदौ १० गतेदेखि काठमाडौंको भृकुटीमण्डपमा ‘नाडा अटो शो २०१९’ को १४औं संस्करण आयोजना गरिने भएको छ ।
आइतवार आयोजित पत्रकार सम्मेलनमा नाडाका अध्यक्ष शम्भुप्रसाद दाहालले नाडा अटो सोमा ९५ ब्राण्डका सवारी साधन र त्यसमा प्रयोग हुने पार्ट पूर्जा रहने जानकारी दिए । पत्रकार सम्मेलनमा सवारी साधन वाहेक लुब्रिकेन्ट,टायर,एसेसरिज र बैंक तथा वित्तिय संस्था गरेर १ सय ६० स्टल रहने जानकारी दिइयो ।
उक्त प्रर्दशनीमा प्रख्यात अन्तर्राष्ट्रिय ब्राण्डका सवारी साधन, लुब्रिकेन्ट, पार्ट–पुर्जाका साथै राष्ट्रिय ब्राण्डका अटो सामग्री उत्पादक एवं वस्तु तथा सेवा प्रदायकहरूको समेत सहभागिता रहने छ ।
मेलामा विभिन्न कम्पनीहरुले सवारी साधन बिक्रीमा बिषेश छुट दिने तयारी गरेका छन् । यो छुटलाई दशैं तिहारसम्मनै निरन्तरता दिने तयारी व्यवसायीहरुको छ । ६ दिनसम्म चल्ने शोमा ७५ हजार बढी आगन्तुकहरूले अवलोकन गर्ने आयोजकको विश्वास छ ।
सम्बन्धित समाचार
प्रतिकृया दिनुहोस