विनियोजन विधेयक पारित,अर्को बैठक असोज ४ गते
काठमाडौं । प्रतिनिधिसभा बैठकले प्रमुख प्रतिपक्षी दल नेकपा (एमाले) को विरोधबीच विनियोजन विधेयक–२०७८ लाई स्वीकृत गरियोस् भन्ने प्रस्ताव पारित गरेको छ ।
बैठक सुरु हुनासाथ एमालेका सांसदहरुले नाराबाजी र विरोध गरेका थिए तर सभामुख अग्नि सापकोटाले विनियोजन विधेयकमाथि छलफलको प्रस्ताव निर्णयार्थ पेस गरेका थिए । ‘बहुमतको आधारमा विधेयकमाथि विचार गरियोस्’ भन्ने प्रस्ताव पारित भएको हो ।
मंगलबारको बैठकमा पनि यसअघिजस्तै एमाले सांसदहरुले नाराबाजी गरेका थिए । तर, नाराबाजीकै बीच अर्थमन्त्री शर्माले पेश गरेको विधेयक प्रस्ताव बहुमतले पारित गरेपछि बैठक स्थगित गरिएको छ । मंगलबार प्रस्ताव पारित गरेपछि संसद् बैठक असोज ४ गतेसम्मको लागि स्थगित भएको छ ।
सम्बन्धित समाचार
प्रतिकृया दिनुहोस