थप ३ हजार ३६५ जनामा कोरोना पुष्टि,१ हजार ३७३ जना संक्रमणमुक्त
काठमाडौं । पछिल्लो २४ घण्टामा ३ हजार ३६५ जनामा कोरोना संक्रमण पुष्टि भएको छ। योसँगै नेपालमा कोरोना भाइरस संक्रमितको कुल संख्या ७ लाख ५० हजार २२ पुगेको छ ।
स्वास्थ्य मन्त्रालयका अनुसार पछिल्लो २४ घण्टामा १४ हजार २४२ जनाको आरटी–पीसीआर र एन्टिजेन परीक्षण गर्दा ३ हजार ३६५ जनामा कोरोना संक्रमण पुष्टि भएको हो ।
देशभर १ हजार ३७३ जना संक्रमणमुक्त भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ५० हजार ४४५ पुगेको छ ।
पछिल्लो २४ घण्टामा देशभर १४ हजार २४२ जनाको पीसीआर–एन्टिजेन परीक्षण हुँदा हालसम्म कुल ३८ लाख ९३ हजार ६५२ जनाको पीसीआर–एन्टिजेन परीक्षण भएको छ ।
यस्तै पछिल्लो २४ घण्टामा थप १६ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ९ हजार ८०७ पुगेको छ ।
सम्बन्धित समाचार
प्रतिकृया दिनुहोस