त्यो लालिमा कहाँ छ ?
यो कस्तो जिन्दगी
अरुको श्वास–प्रश्वास बोकेर बाँच्नु पर्ने
अरूको भरिया भएर हिड्नु पर्ने
अरूको प्रतिबिम्ब बनेर नाच्नु पर्ने
उन्मुक्तताको लागि छट्पटिएको
अनि स्वतन्त्र अभिव्यक्तिको लागि ।
तर मैले उज्यालो हेर्नै पाइन
मेरो यात्रा आफ्नो हुँदै भएन
बिहानीको उजेलीमा बादल लागेर
मैले हिमाल हेर्न पाइन
फेवाको आँगनम पुगेर पनि
माछपुछ्रे देख्न सकिनँ
म संलग्न भएको पूर्णता कहाँ छ ?
टोलाएको यो अनुहार
र, यी रित्ता आँखाहरूमा
अब त्यो लालिमा कहाँ छ ?
प्रतिकृया दिनुहोस