कोरोना नेगेटिभ आएपनि बाचेनन् पत्रकार विष्णु चौलागाई
काठमाडौं । पत्रकार विष्णु चौलागाइको निधन भएको छ । काभ्रेबाट प्रकाशित हुदै आएको काभ्रेपोष्टका संस्थापक तथा प्रधान सम्पादक चौलागाइको गएराती निधन भएको हो ।
काठमाडौस्थीत ओम अस्पतालमा उपचार गराइरहेका चौलागाइको उपचारपछि कोरोना नेगेटिभ देखिइसकेको थियो । निमोनियाका विरामी समेत रहेका चौलागाइको कलेजो र फोक्सोमा समस्या भएपछि निधन भएको चिकित्सकहरुले जानकारी दिएका छन् ।
उनको अहिले केहीबेरमा काठमाडौ पशुपति आर्यघाटमै अन्त्यष्टि गर्ने तयारी भइरहेको परिवारजनले जनाएका छन् । उनका श्रीमती, एक छोरा र एक छोरी छन् ।
झण्डै तीन दशक देखि पत्रकारितामा क्रियाशिल चौलागाइले दुई दशकभन्दा बढी समयदेखि निरन्तर काभ्रेपोष्ट प्रकाशन गर्दै आएका थिए । नेपाल प्रेस युनियन काभ्रेका पूर्व अध्यक्ष समेत रहिसकेका चौलागाई अहिले पत्रकार महासंघको जिल्ला कार्यमितिको सदस्य थिए ।
सम्बन्धित समाचार
प्रतिकृया दिनुहोस