यस वर्षको चाड जो जहाँ छ त्यहीँ बसेर मनाउन गृहको निर्देशन
काठमाडौं । दशैको समयमा प्रमुख जिल्ला अधिकारी र जिल्ला प्रहरी प्रमुखले जिल्ला नछोड्न सरकारले निर्देशन दिएको छ ।गृह मन्त्रालयले हिजो उनीहरुलाई जिल्ला नछोड्न भन्दै पत्राचार गरेको हो ।
चाडपर्वको अवसरमा चाडपर्व केन्द्रित सुरक्षा योजना बनाई अशान्ति, झैझगडा, चोरी, लुटपाट, डकैती, ठगी लगायतका आपराधिक गतिविधि हुन नदिइ भरपर्दो सुरक्षा व्यवस्था मिलाउन मातहतका निकायलाई गृहले निर्देशन दिइसकेको छ ।
यस्तै, गृहले कोरोना संक्रमणबाट जोगिन स्वीकृत स्वास्थ्य प्रोटोकल अनुरूप दूरी कायम गर्ने, भिडभाड नगर्ने, मास्क अनिवार्य लगाउने, नियमित रूपमा साबुन पानीले हात धुने वा स्यानिटाइजर प्रयोग गर्न समेत अनुरोध गरेको छ ।
दसैं, तिहार, छठ, नेपाल सम्बत लगायतका चाडपर्वमा मानिसहरूको आवतजावत बढ्दा कोरोना संक्रमण थप बढ्नसक्ने भन्दै जोखिम नियन्त्रणका लागि समन्वयात्मक उपायहरू अवलम्बन गर्न मन्त्रालयले निर्देशन दिएको हो ।
चाडपर्वमा भेलाजम्मा तथा भोजभतेर नगर्न, यस वर्षको चाड जो जहाँ छ त्यहीँ बसेर मनाउन तथा स्वास्थ्य सुरक्षाका निर्धारित मापदण्ड अनिवार्य रूपमा पालना गर्नरगराउन मन्त्रालयले सबैलाई अनुरोध गरेको छ ।
सम्बन्धित समाचार
प्रतिकृया दिनुहोस