• बुधबार ७-१२-२०७७/Wednesday 10-28-2020
खेलकुद

पन्जाबद्वारा बैंगलोर पराजित

काठमाडौं । यूएईमा जारी १३औं संस्करणको इन्डियन प्रिमियर लिग ९आईपीएल० टी–ट्वान्टी क्रिकेटअन्तर्गत किङ्स इलाभेन पन्जाबले दोस्रो जित हात पारेको छ । 

 

बिहीबार भएको खेलमा पन्जाबले रोयल्स च्यालेन्जर्स बैंगलोरलाई ८ विकेटले पराजित गरेको हो । शाराझा क्रिकेट स्टेडियममा बैंगलोरले पन्जाबलाई जितका लागि दिएको १७२ रनको लक्ष्य पछएको पन्जाबले निर्धारित २० ओभरमा २ विकेट गुमाउँदै १७७ रन बनाएको थियो । 

 

पन्जाबको जितमा कप्तान केएल राहुल र क्रिस गेलले अर्धशतकीय इनिङ्स खेले । राहुलले ४९ बलमा अविजित रहदै ६१ रन बनाएका गेलले ४५ बलमा ५३ रनको अर्धशतकीय इनिङ्स खेले । 

 

सिजन पहिलो पटक पन्जाबको प्लेइङ सेटमा परेका गेलले पहिलो खेलमै उत्कृष्ट प्रदर्शन गरेका हुन् । यस्तै मायांक अग्रवालले ४५ रनको योगदान दिए । निकोलस पुरन ६ रनमा अविजित रहे।

 

यसअघि टस जितेर पहिले ब्याटिङ गरेको बैंगलोरले निर्धारित २० ओभरमा ६ विकेट गुमाउँदै १७१ रन बनाएको थियो । बैंगलोरका लागि विराट कोहलीले सर्वाधिक ४८ रनको योगदान गरे । ३९ बल खेलेका उनले ३ चौकाको रहयोगमा ४८ बनाउन सफल भएका हुन् ।  

 

त्यस्तै शिभम डुबेले २३ रन बनाउँदा अरोन फिन्चले २० रनको योगदान गरे। बलिङतर्फ पन्जाबका लागि मोहमद स्वामीले र मर्गान अश्विनले समान दुई–दुई विकेट लिए। त्यस्तै अर्सदीप सिंक र क्रिस जोर्डानले समान एक–एक विकेट लिए ।  

 

यो जित सँगै पन्जाबले आठ खेलबाट चार अंक जोडेको छ ।  त्यस्तै समान खेल खेलेको बैंगलोर १० अंकका साथ तालिकाको तेस्रो स्थानमा रहेको छ । 

प्रतिकृया दिनुहोस
सम्बन्धित समाचार