मलाई केही मन परेन
सानो छँदा
पञ्चेबाजाबाट निक्लिएका थाट
मन परेन,
हजुरबाले सहनाईमा गाएको
राग मन परेन ।
बाबाले अरुको लाज ढाक्न
गाएको मेसिनको खटटटटट आलाप मन परेन,
आमाले दरिलो बनाउन धागोले सिएको
अलंकार मन परेन ।
यी सबै गाउँदा
अरुले अछुतको बिल्ला भिरिदिएको
सरगम मन परेन
र अहिलेपनि तिमीसंगै समान
समान हु भनेर बजाउनु पर्ने ताल
मन परेन,
तानपुराको झन्कार जस्तो
केहिको दिलमा नपुगेको मेरो
डोकोका डोको निराशाको
तान मन परेन...
प्रतिकृया दिनुहोस