दिपकको ‘कृष्ण लिला’मा पुष्प र दीपिकाको जोडी,बुद्धि तामाङ र रवीन्द्र झाको पनि अभिनय रहने
काठमाडौं । चलचित्र ‘कृष्ण लिला’ निर्माणको घोषणा भएको छ । दिपक ओलीले निर्देशन गर्ने चलचित्रमा नायक पुष्प खड्का र नायिका दीपिका प्रसाईंको मुख्य भुमिका रहने छ ।
गत साता निर्माण पक्षले पुष्प र दीपिकासँग सम्झौता गरेको हो । चलचित्रमा पुष्प र दीपिकालाई रोमान्टिक जोडीका रूपमा प्रस्तुत गरिने बताइएको छ ।
दीपक ओलीको निर्देशनमा बन्न लागेको यस चलचित्रका लागि पुष्प र दीपिकासँगै बुद्धि तामाङ, रवीन्द्र झाको पनि अभिनय रहने छ । उनीहरूसँग पनि निर्माण पक्षले सम्झौता गरिसकेको छ ।
कमेडी शैलीको यस चलचित्रको कथा, पटकथा तथा संवाद सञ्चारकर्मी तथा निर्देशक लक्ष्मण सुवेदीले तयार पारिरहेका छन् । अर्जुन पोखरेलले संगीत गर्ने यस चलचित्रको छायांकन इलामको साथै तराईका विभिन्न जिल्लामा गर्ने निर्माण पक्षले जनाएको छ ।
सम्बन्धित समाचार
प्रतिकृया दिनुहोस