मेरा रहर
म सँगै अलपिएका मेरा रहरहरु
नयन सँगै विलाएका मेरा प्रहरहरु
रङबिहिन भई हराएका मेरा चाहनाहरू
फेरि रंगीन लाई खोजी बस्छन
अनेकौं बहानाहरु ।
पतझर बनी ओइलिएको मेरा पालुवाहरु
वसन्तको हरियाली बनी मौलाउन चाहन्छन
औंसी को रात बनी हराएका मेरा भावनाहरू
जुनेली रातका तारा बनी टिमटिमाउन खोज्छन्
ऐना हेर्दा तर्सिने मेरा नयन ।
आज आफैंलाई हेरी मुस्कुराउँन खोज्छन्
दुःख पीडा लाई दोस्रो जीवनसाथी बनाई
खुशीको बाटो पहिल्याउँदै अगाडि बढ्छन् ।
प्रतिकृया दिनुहोस