• बुधबार ४-२१-२०७७/Wednesday 08-05-2020
राजनीति

नेकपा स्थायी कमिटि बैठकमा ३१ जना सहभागी

काठमाडौं । नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले मंगलबार बसेको स्थायी कमिटि बैठकमा ३१ जना सदस्यहरु सहभागी रहको बताएका छन् ।

 

पार्टी अध्यक्ष ओलीले विधि लत्याएर अर्को अध्यक्ष पुष्पकमल दाहाल प्रचण्डको सहमतिविपरीत स्थायी कमिटी बैठक रोकेको भन्दै बहुमत सदस्य बालुवाटार भेला भएका थिए । बैठकमा २९ जना स्थायी समिति सदस्यहरु र २ जना आमन्त्रित सदस्यहरुको उपस्थिति रहेको थियो ।

 

प्रचण्डको सचिवालयले सार्वजनिक गरेको समाचार

नेपाल कम्युनिष्ट पार्टी (नेकपा) को स्थायी समितिको बैठक अध्यक्ष प्रचण्डको अध्यक्षतामा सम्पन्न भएको छ । आज दिउँसो बालुवाटारमा बसेको बैठकले पार्टीका अर्का अध्यक्ष तथा प्रधानमन्त्री केपी शर्मा ओलीले विधि विपरित स्थायी समितिको बैठक स्थगित भएको सूचना प्रसारित गर्नु उचित नभएको निश्कर्ष निकालेको छ ।

 

यस विषम् परिस्थितिमा पार्टीको एकता, विधि र परम्परालाई ध्यानमा राखी अर्का अध्यक्ष केपी शर्मा ओलीसँग छलफल गरी अगामी बैठक सुचारु गर्नका लागि अध्यक्ष प्रचण्डलाई बैठकले जिम्मेवारी दिने निर्णय गरेको छ ।

 

बैठकले पार्टी एकताको रक्षा गर्न, पार्टीलाई विधि र पद्दतिसम्मत ढंगले अगाडि बढाउन र वर्तमान संकटलाई सकारात्मक ढंगले निकास दिन योगदान पुर्याउनका निम्ति सबै पार्टीका नेता, कार्यकर्ता र सदस्यहरुलाई आ–आफ्ना ठाउँबाट भूमिका खेल्न आव्हान पनि गरेको छ ।

 

 

प्रतिकृया दिनुहोस
सम्बन्धित समाचार