कविता : संंकल्प
लिम्पियाबाट देखिने,आफ्नै पूर्व कस्तो होला ?
गुन्जिगाउँको सगरमा, दीव्य धुर्व कस्तो होला ?
लिपुलेकमा हिउँ खेल्ने, सपना बुन्नु छ
महाकालीको कलकलमा,आफूलाई सुन्नु छ
सत्यको अग्निमा तपेको, हक सन्ततिको हो
विनयको शक्तिभित्र, ध्यय शान्तिको हो।
यात्राको भोक भो, कुन्जोपन चुन्नु छैन
सबको सुरताल मिल्यो, कोलाहल सुन्नु छैन
एक श्वास एक कदम, धैर्यसाथ लम्किनु छ
तीन कोटि मन, एकैसाथ धड्किनु छ।
प्रतिकृया दिनुहोस