बाजुरा अस्पतालको आइसोलेसनमा मृत्यु भएकी दुई बर्षीया बालिकामा कोरोना पुष्टि
बाजुरा । बाजुराको सदरमुकाम मार्तडीस्थित जिल्ला अस्पतालको आइसोलेसनमा राखिएकी बालिकाको उपचारको क्रममा मृत्यु भएको छ ।
बुढीगंगा नगरपालिका–१ घर भएका २ वर्षीया बालिकाको आइतबार बिहान मृत्यु भएको जिल्ला अस्पताल बाजुराका प्रमुख डा. रुपचन्द्र विश्वकर्माले जानकारी दिए ।
मृतक बालिकाको स्वाब संकलन गरेर पीसीआर परीक्षणका लागि धनगढी प्रयोगशाला पठाइएको थियो । पीसीआर रिपोर्ट आउन बाँकी रहेको जल्ला अस्पतालले जनाएको छ । बालिकाको शव व्यवस्थापन परीक्षण रिपोर्ट आएपछि मात्र गरिने अस्पतालले जनाएको छ । मृतक बालिकाकी २३ वर्षिया आमामा पनि कोरोना पुष्टि भएको छ । बुबाको रिपोर्ट भने नेगेटिभ आएको छ ।
क्वारेन्टाइनमा रहंदै उनको अबस्था जटिल भएपछि शुक्रवार साँझ मार्तडीस्थित जिल्ला अस्पतालको आइसोलेसनमा ल्याएर उपचार गरिएको थियो । बालिकामा पखाला लाग्ने,ज्वरो र श्वास प्रश्वासको समस्या रहेको चिकित्सकको भनाइ छ ।
सम्बन्धित समाचार
प्रतिकृया दिनुहोस