जे सिकायो त्यही सिक्छ मेरो पट्टु सुगा
बाहिर जानू हुन्न बाबू कोरोनाको डर छ
डाक्टरले भन्नु भाछ भिडभाडमा सर्छ ।
स्कुल सबै विदा भाछन् बस घर भित्र
राम्रा राम्रा कथा पढ नत्र बनाउ चित्र ।
आमासँग भान्सामा पकाउन सिक
पढ्ने बेला भयो भने आफै किताब झिक ।
घरीघरी मोबाइलमा कति खेल्नु पब्जी
आज बाबू पकाउने छ पक्कै मिठो सब्जी
कहिले बजाउ हार्मोनियम कहिले बजाउ मादल
तिमीलाई खुशी देखेपछि हराउने छ बादल ।
बाहिर चिसो हावा लाग्छ खोल बाबू झ्याल
बुढा भका बाआमाको गर्नुपर्छ ख्याल ।
जे पाक्यो त्यही तिमीले खाउ मिठो मानी
दुनियाँले भनोस् तिमीलाई कति धेरै ज्ञानी ।
कहिले गाउ गित गजल कहिले बनाउ चित्र
कोरोनाको डर छ बाबू बस घरै भित्र ।
साबुनपानी लगाएर हात धुनुपर्छ
नत्र भने हातबाट भाइरस सर्छ ।
जहाँ पायो त्यही तिमीले फाल्नु हुन्न लुगा
जे सिकायो त्यही सिक्छ मेरो पट्टु सुगा ।
प्रतिकृया दिनुहोस