नेप्सेमा उच्च अङ्कको वृद्धि
काठमाडौं । नेपाली शेयरबजारमा आज बिहीबार इतिहासकै धेरै कारोबार भएको छ ।
आज एकैदिन २ अर्ब ७८ करोड ५० लाख रुपैयाँ बराबरका ५८ लाख २९ हजार कित्ता शेयर किनबेच भएको नेपाल स्टक एक्स्चेन्ज लिमिटेडले जनाएको छ ।
आज भएको २ अर्ब ७८ करोड ५० लाख रुपैयाँको कारोबारले एकै दिन भएको धेरै कारोबारको इतिहास बनाएको छ । उच्च कारोबारसँगै सेयर बजार परिसूचक नेप्से आज झण्डै ३० अंकले बढेको छ ।
नेप्से आज २९ दशमलव ३२ अंकले बढेर १४ सय ३४ दशमलव ५७ विन्दुमा पुगेको छ । आज ट्रेडिङबाहेक सबैजसो समूहको शेयरहरु उकालो लागेका छन् ।
जीवन बिमा समूह सबैभन्दा उच्च ३ सय ८५ विन्दुले बढ्यो भने निर्जीबन बिमा समूहमा पनि ३ सय ७४ अंकको उच्च वृद्धि आयो । यसदिन लघुवित्त समूह पनि १ सय ५९ अंकले उक्लिएको छ ।
प्रतिकृया दिनुहोस