रणवीर सिंह अब कपिल देव बन्ने
मुम्बई । कपिल देव भारतीय क्रिकेट टिमका पुर्व कप्तान हुन । उनको नेतृत्वमा भारतले पहिलो बिश्व कप क्रिकेट जितेको थियो – १९८३ मा ।
सानो गरिब परिवारमा जन्मेका कपिलले रास्ट्रिय सम्मान पनि पाएका थिए । तर पनि उनले आफनो खेल जीवनमा अनेकौं उतारचढाव भोग्नु पर्यो । अहिले उनको जीवनीमा आधारित फिल्म बन्दै छ । फिल्मको नाम हो ‘८३’ । फिल्मको धमाधम सुटिङ भईरहेको छ ।
फिल्ममा रणवीर सिंह कपिल देवको भूमिका गरिरहेका छन् । आफ्नो स्वाभाविक कलाकारिता बिकास गर्न सुटिङ अघि उनले कपिल देवसँग संगत गर्ने, उनको कुरा सुन्ने र सगै क्रिकेट खेल्ने जस्तो अभ्यास गरेका थिए । केही भिन्न भुमिका गर्न रुचाउने कलाकार रणवीर सिंह र उनका साथीहरुको फिल्मको तस्बिर सामाजिक सञ्चालमा राखेका छन् ।
सुटिङ चलिरहेको यस फिल्मको चर्चा अहिले धेरै हुन थालेको छ । यो चर्चाको कारण रणवीरको श्रीमती दीपिका पादुकोण पनि हो । फिल्ममा रणवीर र दीपिका श्रीमान श्रीमतीको भुमिकामा देखिँदैछन् । रणवीर कपिल देवको भूमिकामा देखिँदै छन् भने दीपिका कपिलको श्रीमती रोमी देवको भुमिकामा देखिने भएकी छिन् ।
दीपिकाले आफ्नो सामाजिक सञ्जालमा दुबैको नयाँ लुक्सको फोटो राखेकी छिन् । उनले भनेकी छिन्, ‘ती महिला जो आफ्नो सपना भन्दा आफ्नो श्रीमानको सपनाको अघि राख्छन ।मैले मेरो आमामा बुवा प्रति त्यो देखेको थिए ।
मेरो यस फिल्ममा सानो तर महत्वपूर्ण भूमिका छ । दीपिकाको छोटो कपाल र रणवीरको जुँगाले पक्कै नै धेरैलाई आकर्षित गर्छ । तस्वीरको लुक्समा यी दुई एकअर्कालाई हेरिरहेको देखाइएको छ । कबिर खानले निर्देशन गरेको फिल्म अप्रिल १० मा प्रदर्शनमा आउँदैछ । एजेन्सी
सम्बन्धित समाचार
प्रतिकृया दिनुहोस