तपाईं झुटो बोल्दै हुनुहुन्छ
शुभकामना दिनुहुन्छ, सम्वेदना दिनुहुन्छ
मन्तव्य दिनुहुन्छ, वक्तव्य दिनुहुन्छ
सन्देश दिनुहुन्छ, बिचार दिनुहुन्छ
आश्वासन दिनुहुन्छ, आदेश दिनुहुन्छ
सल्लाह दिनुहुन्छ सुझाव दिनुहुन्छ
विश्वास दिन सक्नुहुन्न तर दिलाउनु त हुन्छ
नेताजी यस्तरी दिएको दियै हुनुहुन्छ
देश र जनताको लागि दिँदा दिँदा
बिचरा बिरामी पर्न लागिसक्नु भयो
तैपनि तपाईंं नेताले केही दिएन भन्नुहुन्छ
नेताजी त दिएको दियै हुनुहुन्छ
तपाईंं झुटो बोल्दै हुनुहुन्छ ।
प्रतिकृया दिनुहोस