बाँझोपनको समस्या महिलाका कारण भन्दा पुरुषको वीर्यमा हुने कमीले गर्दा हुने अध्ययनको निष्कर्ष
काठमाडौं ।महिला पूनस्र्थापना केन्द्र ओरेकले दाङ र उदयपुरमा बाँझोपन सम्बन्धी गरेको अध्ययनमा बाँझोपन कै कारण महिलामाथि मानसिक हिंसा बढिरहेको देखाएको छ ।
महिला हिंसाका विभिन्न कारणहरूमध्ये बाँझोपन एक प्रमुख कारक तत्व रहेको एक अध्ययनले देखाएको छ ।
बाँझोपन अर्थात् निसन्तान हुनुमा पुरुषलाई भन्दा महिलामाथि नै बढी दोषारोपण हुने गरेको भए पनि हालै सम्पन्न अध्ययनले पुरुषका कारण हुुने निसन्तानपनको जिम्मेवारी पनि महिलालाई दिने गरेको पाइएको छ ।
बाँझोपन सम्बन्धी गरेको अध्ययनमा बाँझोपन कै कारण महिलामाथि मानसिक हिंसा बढिरहेको र जसकाकारण महिलाहरूमा गम्भीर डिप्रेशन, च तनाव, एक्लोपनादेखि आत्म हत्याको सोच पैदा हुने गरेको अध्ययनले देखाएको छ ।
बाँझोपनको समस्या महिलाको समस्या हो, पुरूषको होइन भन्ने गलत मान्यता अझै पनि स्थापित छ । तर अनुसन्धानबाट भने बाँझोपनको समस्या महिलाका कारण भन्दा पुरुषको वीर्यमा हुने कमीले गर्दा हुने गरेको पाइएको छ ।
समस्या गहिराईमा बुझ्न, यसको कारण र प्रभावबारे अध्ययन गर्दै अगामी दिनमा बाँझोपनको सवाललाई नेपाल सरकारको नीतिमा समावेश गर्ने पनि उनीहरुले सुझाव दिएका छन ।
सम्बन्धित समाचार
प्रतिकृया दिनुहोस