आई.एम.ई लाइफ इन्स्योरेन्सले ९१ करोड बीमाशुल्क संकलन गर्न सफल, वित्तिय साक्षरतामा जोड
काठमाण्डौं । आई.एम.ई लाइफ इन्स्योरेन्स कम्पनीले आफ्नो दोस्रो वार्षिकोत्सब मनाएको छ ।
उक्त कार्यक्रममा कम्पनीका सञ्चालक समिति अध्यक्ष डा. रामहरि अर्यालले बीमा बजारमा कम्पनीले प्रतिस्पर्धात्मक उपस्थिति जनाएको बताए ।
चालु आर्थिक बर्ष ०७६÷७७ मा थप शाखा बिस्तार गरि बीमित, अभिकर्ता एवं सेवाग्राहीको पहँचलाई सर्वसुलभ, छिटो छरितो सेवा पुर्याउने, मानव संसाधनमा गुणात्मक तथा रचनात्मक अभिवृद्धिका लागि आवश्यक तालिमको ब्यबस्था तथा उत्प्रेरणा हुने खालको निति तर्जुमा गरिने समेत उनले जानकारी दिए ।
कम्पनीले नियमनकारी निकाय श्री बीमा समितिको निर्देशानुसार धितोपत्र ऐन बमोजिम निर्देशित तथा अन्य आवश्यक प्र्र्िरकयाहरु पूरा गरि सर्वसाधारणका लागि शेयर जारी गरिने उनको भनाई थियो ।
साथै वित्तिय साक्षरता बढाउने काममा कम्पनीले सहयोग गरिरहेको र यसलाई अझ प्रभावकारी बनाउनु पर्नेमा उनको जोड थियो ।
सोहि अवसरमा कम्पनीले विभिन्न संघ संस्था तथा त्यसका कर्मचारी तथा सदस्यहरुको सुविधा तथा लाभ लाई मध्यनजर गरि भर्खरै श्री बीमा समितिवाट स्वीकृती प्राप्त नयां जीवन बीमालेख “आइएमई सामूहिक सावधिक बोनस सहितको जीबन बीमा योजना” सार्वजनिक गरेको छ ।
सोहि अवसरमा कम्पनीका प्रमुख कार्यकारी अधिकृत श्री श्रीचन्द्र भट्टले जीबन बीमा ब्यबसायमा महत्वपूर्ण भुमिका खेल्ने अभिकर्ताको लागि आर्कषक एवं उत्प्रेरक बिबिध प्रोत्साहन योजनाहरु कार्यन्वयन गरिने जानकारी दिए ।
सञ्चालन भए देखि नै कम्पनीको सफलतामा सहयोग गर्ने नियमनकारी निकाय श्री बीमा समिति, कम्पनी रजिष्ट्रारको कार्यालय, सरोकारवाला सम्पूर्ण निकायहरु, सञ्चालक समितिका सदस्यहरु, सस्थापक शेयरधनी महानुभावहरु, कर्मचारीहरु, अभिकर्ताहरु प्रति कम्पनीले हार्दिक धन्यवाद एवम् कृतज्ञता ज्ञापन गर्दै आगामी दिनमा समेत सोहि किसिमले सहयोग गर्नु अनुरोध गरे ।
व्यवसाय सुचारु भएको दोस्रो वर्षसम्ममा कम्पनीले देशका सातै प्रदेशका बिभिन्न ८५ स्थानमा शाखा कार्यालयहरु स्थापना गरि बीमा सेवा पुर्याउदै आएको छ ।
कम्पनीले यस आर्थिक बर्ष २०७६÷७७ मा थप शाखा÷उपशाखाहरु बिस्तार गरि बीमाको पहुँच तथा सेवा दिने योजना रहेको जानकारी गराएको छ । साथै, कम्पनीले आर्थिक बर्ष २०७५÷७६ मा रु. ९१ करोड बीमाशुल्क संकलन गर्न सफल भएको छ ।
प्रतिकृया दिनुहोस