यी हुन श्रावन महिनामा प्रदर्शन हुने चलचित्र
घर
‘घर’ हरर चलचित्रमा आधारित रहेर बनाइएको छ । चलचित्रमा अभिनेत्री सुरक्षा पन्तको डरलाग्दो अवतार प्रस्तुत गरिएको छ । अर्पण थापाको निर्देशन रहेको चलचित्रमा सुरज पाण्डे सुरक्षा पन्त, बेनिशा हमालले अभिनय गरेका छन् ।
चलचित्रमा आत्मा र मान्छेबीचको लडाइलाई चित्रण गरिएको छ भने निर्देशक थापा र सुरक्षा पति–पत्नीको भूमिकामा देखिएका छन् । चलचित्रको निर्माता शर्मिला पाण्डे हुन भने सह–निर्माता सन्तोष अधिकारी रहेका छन् । चलचित्रले आगामी श्रावण ३ गतेबाट दर्शकलाई तर्साउने छ ।
एकलव्य
पारिवारिक प्रेमकथामा आधारित रहेर बनेको चलचित्र हो ‘एकलव्य’ । अभी फिल्म्सको ब्यानरमा निर्माण भएको चलचित्र ‘एकलव्य’ श्रावण १० गतेबाट प्रदर्शनमा आउने तयारीमा छ ।
सोनाम थापा मगरको निर्माण रहेको चलचित्रमा अनमोल शर्माको निर्देशन रहेको छ । चलचित्रमा सोनाम थापा, ओशिन भट्टराई, पुष्कर राउत, महिमा सिलवाल, सुशिल पोख्रेल,सुष्मा कार्कीको अभिनय रहेको छ ।
अबिन थापा मगर चलचित्रका कार्यकारी निर्माता हुन भने कृष्ण श्रेष्ठको चलचित्रमा सिनेमाटोग्राफी रहेको छ । भोजराज देवकोटाको पटकथा रहेको चलचित्रमा राजेन्द्र बजगाईको शब्द संगीत रहेको छ । चलचित्रलाई अर्जुन जिसीले सम्पादन गरेका छन् ।
साइनो
प्रेम कथामा आधारित रहेका बनेको चलचित्र ‘साइनो’ नेपाली चलचित्र क्षेत्रकी पहिलो नायिका भूवन चन्दले निर्माण गरेकी हुन । चलचित्र साउनको २४ गतेबाट प्रदर्शनमा आउँदैछ । रमेश थापाको निर्देशनमा बनेको यो चलचित्रलाई अभिमन्यू निरवीले लेखेका हुन् । चलचित्रका कार्यकारी निर्माता शरण थापा हुन् ।
चलचित्रमा रामेश्वर कार्कीको छायांकन, बनिश शाहको सम्पादन रहेको छ । चलचित्रमा निता ढुंगाना, मिरुना मगर, राज कुमार, भुवन चन्द, बसुन्धरा भुषाल, मदनदास श्रेष्ठ, राजा राजेन्द्र पोखरेल लगायतका कलाकारको मुख्य भुमिका रहेको छ । भुवन चन्दले यहि चलचित्र बाट नयाँ अभिनेता राज कुमारलाई चलचित्रमा डेव्यु गराउँदै छिन् ।
चलचित्रमा रामेश्वर कार्कीको छायंकन, रामजी लामिछानेको कोरियोग्राफी, रोशन विक्रम भट्टराईको द्धन्द्व, बसन्त सापकोटाको संगीत, बनिष शाहको सम्पादन रहेको छ ।
दयारानी
सिनेमा आर्टस् र माओत्से फिल्मस्को ब्यानरमा निर्माण भएको चलचित्र दयारानी गुरुङ समुदायमा दयालु यूवतीलाई ‘दयारानी’ भनिने भएकोले यस्तो नाम राखिएको हो । एउटा खराब श्रीमान् र उसकी श्रीमतीको कथामा चलचित्र बनेको छ ।
चलचित्रमा नायक दयाहाङ राई, दीया पुन र विजय बराल, प्रमिसा गुरुङ, पुस्कर गुरुङ, टिकाराम घलेको मुख्य भूमिका रहेको छ । चलचित्रलाई माओत्से गुरुङले निर्देशन गरेका हुन् भने श्रावण ३० गतेबाट चलचित्र प्रदर्शनमा आउँदैछ ।
हजार जुनी सम्म
पारिवारिक कथामा आधारित रहेको चलचित्र हो ‘हजार जुनी सम्म’ । विकासराज आचार्य निर्दे्शित चलचित्र मा आर्यन सिग्देल, प्रियंका कार्की, स्वस्तिमा खड्का, सञ्चिता लुइटेल, सलोन बस्नेत, शिवहरि पौडेल, अनुभव रेग्मीकोे अभिनय रहेको छ ।
चलचित्रमा अर्जुन जिसीको सम्पादन, कविराज गहतराजको कोरियोग्राफी र पुरुषोतम प्रधानको सिनेमेटोग्राफी रहेको छ । ‘हजार जुनी सम्म’ साउन ३० गतेदेखि प्रदर्शनमा आउँदैछ ।
प्रतिकृया दिनुहोस