विपिन र स्वस्तिमा उत्कृष्ट नायक–नायिका
काठमाडौं । ‘राष्ट्रिय चलचित्र पुरस्कार– २०७५’ मा उत्कृष्ट नायक र नायिका उपाधि स्वस्तिमा खड्का र विपिन कार्कीले पाएका छन् । चलचित्र बुलबुल र प्रसादबाट दुईले उत्कृष्ट नायक नायिकाको सम्मान प्राप्त गरेका हुन्।
यस्तै निर्देशक तुलसी घिमिरेलाई नगद ३ लाख ५१ हजार र सम्मानपत्र सहित ‘चलचित्र दीर्घ साधना सम्मान’बाट सम्मानित गरिएको छ । राष्ट्रपति भवन शित्तल निवासमा आयोजित कार्यक्रममा २०७५ सालमा प्रदर्शन भएका चलचित्रहरु मध्ये विभिन्न ११ विधामा ‘राष्ट्रिय चलचित्र पुरस्कार’ प्रदान गरिएको थियो ।
कार्यक्रममा बोल्दै राष्ट्रपति विद्यादेवी भण्डारीले चलचित्र क्षेत्रले देशको कला, संकृतीको विकास र विस्तारका लागि काम गर्नुपर्ने बताइन् । यस्तै, उनले सरकारले मनाउन लागेको ‘भिजिट नेपाल–२०२०’लाई सफल बनाउन चलचित्रकर्मीलाई आग्रह पनि गरिन् ।
पुरस्कार बिजेता :
उत्कृष्ट चलचित्र – ‘गोपी’
उत्कृष्ट निर्देशक – ‘बुलबुल’ बिनोद पौडेल
उत्कृष्ट सम्पादन – ‘साँइली’ निमेष श्रेष्ठ
उत्कृष्ट छायांकन – ‘समर लभ’ संजय लामा
उत्कृष्ट लेखन – ‘गोपी’ दिपेन्द्र लामा
उत्कृष्ट पटकथा तथा संवाद – सामिप्यराज तिमिल्सिना
जुरी प्रोत्साहन सम्मान – ‘भोर’ पूजा कर्ण
चलचित्रको व्यापार, विस्तार तथा प्रवद्र्धन सम्मान – ‘छक्का पन्जा ३’ (आमा सरस्वती मुभिज)
उत्कृष्ट चलचित्र (आदिवासी, जनजाति, विभिन्न मातृभाषी) – रिजे नासाँ
प्रतिकृया दिनुहोस