चलचित्र ‘झिङ्गेदाउ’मा केकी र मुकुनको जोडी
काठमाडौं । ज्ञानेन्द्र देउजाको निर्देशनमा बन्न लागेको चलचित्र ‘झिङ्गेदाउ’ मा नायिका केकी अधिकारी र ‘बुलबुल’ नायक चोपेन्द्र उर्फ मुकुन भूषालको अभिनय रहने पक्का भएका छन् ।
साहित्यकार भीमनिधि तिवारीको आख्यानमा आधारित भएर निर्माण हुने चलचित्रमा केकी र मुकुनले जोडी बाध्नेछन् । चलचित्रमा अन्य तीन जना मुख्य कलाकार पनि फाइनल भैसकेको तर निर्माण टोलीले उनीहरुको नाम भने सार्वजनिक गरेको छैन ।
चलचित्र भदौदेखि छायांकनमा जाने तयारीमा छ । निर्देशक स्वयमको निर्माण रहने चलचित्रलाई सिन्धुली, खोटाङ, दोलखा र काठमाडौंमा खिचिने बताइएको छ । कपनगढी सिनेमा प्रा.लिको व्यानरमा निर्माण हुने चलचित्रमा अर्जुन पोखरेलको संगीत र प्रदीप भारद्वाजको पटकथा र संवाद रहनेछ ।
सम्बन्धित समाचार
प्रतिकृया दिनुहोस