'भोला हङकङमा के गर्दै होला'
काठमाडौं । रंगकर्मी भोलाराज सापकोटा यतीबेला हङकङमा रमाइरहेका छन् । उनी चलचित्र ‘च च हुई’ का लागी चलचित्रको युनिटसँग हङकङ पुगेका हुन । साम्तेन भुटियाको निर्देशित चलचित्र ‘च च हुई’ को हङकङमा छायांकन भईरहेको छ । एक साताको सेड्युल बनाएर गत शुक्रबार चलचित्रका युनिट हङकङमा प्रस्थान गरेका थिए ।
‘च च हुई’ को लागि आर्यन सिग्देल, माओत्से गुरुङ र भोलाराज सापकोटा सँगै छायाँकार सुशन प्रजापति, निर्देशक भुटिया, निर्माता अमृत घोले लामा लगायत हङकङमा छन् ।
नर्थ पोइन्ट, जोर्डन, गार्डेन हिल लगायतका रमणीय स्थानमा चलचित्रको छायांकन भइरहेको छ । त्यहाँ आर्यन र भोलाको विभिन्न दृश्यको छायांकन भइरहेको छ । चलचित्रमा पुस्कर गुरुङ, मिरुना मगर, बबिता मल्ल लगायत कलाकारको पनि अभिनय रहेको छ ।
एजीएल इन्टरटेनमेन्टको ब्यानरमा निर्मित यो कमेडी जनरको फिल्म हो । ‘च च हुई’ लाई सिजन दाहाल र सन्देश अर्यालले लेखेका हुन् ।
सम्बन्धित समाचार
प्रतिकृया दिनुहोस