प्रमुख निर्वाचन आयुक्तमा सचिव थपलियाको नाम सिफारिस
काठमाडौं । प्रमुख निर्वाचन आयुक्तको रिक्त रहेको पदमा नेपाल सरकारका सचिव दिनेशकुमार थपलियालाई नाम सिफारिस गरिएको छ । थपलिया संघीय मामिला तथा सामान्य प्रशासन मन्त्रालयका बहालवाला सचिव हुन् ।
यसअघिका प्रमुख निर्वाचन आयुक्त अयोधीप्रसाद यादव र सदस्य इला शर्मा आइतबारमात्र सेवानिवृत्त भएका थिए । निर्वाचन आयोगमा प्रमुख आयुक्त र अन्य आयुक्त गरी पाँचजना सदस्य रहन्छन् ।
हाल नरेन्द्र दाहाल, ईश्वरीप्रसाद पौड्याल र सुधीर शाह आयोगका सदस्य छन् । सोमबार सिंहदरबारमा बसेको बैठकले सो निर्णय गरेको राष्ट्रियसभाका अध्यक्ष गणेशप्रसाद तिमिल्सिनाले जानकारी दिए ।
यस्तै राष्ट्रिय समावेशी आयोगका सदस्यमा मकवानपुरकी अधिकारकर्मी विष्णुमाया ओझालाई पनि सिफारिस गरेको छ ।
सम्बन्धित समाचार
प्रतिकृया दिनुहोस