हिरो गोल्डकप महिला फुटबल : नेपाल म्यानमारसँग ३ –० ले पराजित
काठमाडौं । शनिबार भएको हिरो कपको पहिलो खेलमा नेपाल म्यानमारसँग ३–० पराजित भएको छ ।
नेपालले ओलम्पिक छनोटमा त्यहि टोलीसँग १–१ को बराबरी खेलेको थियो । भारतको उडिसास्थित कालिंगा रंगशालामा भएको खेलमा नेपाल म्यानमारविरुद्ध ३–० ले पराजित भएको हो । पहिलो हाफमा १–० ले नेपाल दोस्रो हाफमा दुई गोलको भएको थियो ।
म्यानमारलाई जित दिलाउन किन मो वाइले २ र विन थिङ्ग्री टुनले १ गोल गरेकी थिइन । किनले ४४ औं मिनेटमा पहिलो गोल गरिन् भने विनले ५४ औं मिनेटमा र किनले अर्को गोल ७७ औं मिनेटमा गरेकी थिइन् ।
नेपालको महिला टोली फिफा वरियता १ सय आठौं स्थानमा छ । म्यानमार भने फिफा वरियतामा ४४ औं स्थानमा छ ।
नेपाल सहित आयोजक भारत, म्यानमार र इरानले हिरो कपमा प्रतिस्पर्धा गरिरहेका छन् । नेपालले दोस्रो खेल सोमबार भारतबिरुद्ध खेल्नेछ ।
तस्वीर सौजन्य : अखिल नेपाल फुटबल संघ (एन्फा)
सम्बन्धित समाचार
प्रतिकृया दिनुहोस