एलर्जीको कारण बलिउड गायक सोनु निगम आइसियुमा
मुम्बई । बलिउड गायक सोनु निगम आजकल धेरै नै बिरामी छन् । सोनुलाई एउटा एलर्जी भएको छ जसको कारणले उनको आँखा पुरै सुनिएको छ भने उक्त एलर्जीले उनलाई आइसियुमा नै पुर्यायो ।
भारतीय संचार माध्यमको अनुसार हालै सोनुले एमटिवी अनप्लग सिजन ८ को सुटिङमा बीकेसीबाट केही खानेकुरा खाएका थिए । त्यो खाएपछि उनलाई एलर्जी सुरु हुन थाल्यो । उनको शरिरमा बिभिन्न किसिमका दागहरु देखिन थाले । यसपछि उनलाई आफनो जीउ एकदमै चिलाउन र गाह्रो भएको महशुस हुन थाल्यो । उनले केही औषधिहरु पनि प्रयोग गरे तर त्यसले उनलाई खासै असर गरेन ।
यसपछि उनी मुम्बई को नानावती अस्पताल पुगे र त्यहाँ उनलाई डाक्टरले तुरुन्त आइसियुमा भर्ना हुन सल्लाह दिए ।
सोनु निगमले आफनो इन्स्टाग्राममा केही तस्वीरहरु सेयर गरेका छन् र सीफुड खानाले मेरो यस्तो हालत भएको हो भनेर लेखेका पनि छन् । यदी म समयमा नै अस्पताल नगएको भए जे पनि हुन सक्थ्यो ।
अहिले गायक सोनु निगम ठिक भएर आफनो घर आइसकेका छन् । वेभ दुनियाँ
प्रतिकृया दिनुहोस