आज १९ खेलमा प्रतिस्पर्धा हुँदै,आजबाट चार नयाँ खेल सुरु
काठमाडौं । १३ औं दक्षिण एसियाली खेलकुद (साग) को छैटौं दिन आज १९ खेलमा प्रतिस्पर्धा हुँदैछ ।
आज काठमाडौंमा एथ्लेटिक्स, बास्केटबल, क्रिकेट, साइक्लिङ, पौडी, सुटिङ, टेबलटेनिस, लन–टेनिस,गल्फ, कबड्डी, स्क्वास र फेन्सीङका खेलहरु हुनेछन् ।
आर्चरी, ब्याडमिन्टन, ह्यान्डबल, बिच भलिबल, भारोत्तोलन र क्रिकेटका खेलहरु भने पोखरामा हुनेछन् ।
सागको सहआयोजक शहर जनकपुरमा आजबाट कुस्तीका खेलहरु सुरु हुनेछन् ।
सागको छैटौं दिन आज ललितपूरमा बक्सिङ र स्क्वास, किर्तीपूरमा फेन्सीङ र जनकपूरमा कुस्ती खेल सुरु हुन लागेको हो ।
१३ औं सागमा आजबाट चार नयाँ खेल सुरु हुन लागेका हुन् ।
नेपालले अहिलेसम्म ३६ ओटा स्वर्णपदक जितेको छ । नेपालले आज साइक्लिङ, भारोत्तोलन, पौडी, तेक्वान्दो र उसुमा गरी थप सात स्वर्ण पदक जितेको हो ।
भारत पदक तालिकाको अग्र स्थानमा उक्लिएको छ । नेपाल दोस्रो स्थानमा छ ।
सम्बन्धित समाचार
प्रतिकृया दिनुहोस