पशुचिकित्सकको बलात्कारपछि हत्या भएको घटनामा पक्राउ परेका ४ सन्दिग्ध व्यक्तिको प्रहरी इन्काउन्टरमा मृत्युु
दक्षिण भारतको हैदराबादमा एक पशुचिकित्सकको बलात्कारपछि हत्या भएको घटनामा पक्राउ परेका चार सन्दिग्ध व्यक्तिहरूको प्रहरी इन्काउन्टरूमा मृत्यु भएको बीबीसी हिन्दीले जनाएको छ।
उनीहरूलाई प्रहरीले बुधवार आफ्नो नियन्त्रणमा लिएको थियो।
त्यसपछि उनीहरूलाई १४ दिनका लागि न्यायिक हिरासतमा राखिएको थियो।
तेलङ्गाना प्रहरीका एक वरिष्ठ अधिकारीले बीबीसीलाई बताएअनुसार शुक्रवार बिहान तीन बजेतिर उनीहरूको एउटा ूभिडन्तूमा मृत्यु भएको हो।
घटनास्थल हैदराबादबाट ५० किलोमिटर पर रहेको बताइएको छ।
के भएको थियो
घटनाबारे विस्तृत विवरण आउन बाँकी छ।
तर बीबीसी हिन्दीले नाम उल्लेख नगरिएका एक प्रहरी अधिकारीलाई उद्धृत गर्दै ती चार जनालाई पीडित महिलाको जलेको शव भेटिएको स्थानमा बिहीवार लगेको जनाएको छ।
त्यहाँ घटनाबारे अनुसन्धान गर्दै गर्दा अभियुक्तहरूले आफूमाथि आक्रमण गर्न खोजेपछि प्रतिकार गरेको र भिडन्त भएको प्रहरीको दाबी छ।
उनीहरूले प्रहरीको बन्दुक खोस्न र भाग्न खोजेकाले गोली हानिएको प्रहरीले बीबीसी तेलुगूलाई बताएको छ।
गत साता ती पशुचिकित्सकको बलात्कारपछि हत्या भएपछि भारतमा चर्को आक्रोश उत्पन्न भएको थियो।
सडकदेखि संसद्सम्म दोषीलाई मृत्युदण्ड दिनुपर्ने माग उठेको थियो।
संसद्मा बोल्दै सांसद जया बच्चनले भिडले नै दोषीलाई दण्ड दिनुपर्ने टिप्पणी गरेकी थिइन्।
दक्षिणी राज्य तमिलनाडुकी सांसद विजिला सात्यनान्थले देश महिला तथा बालबालिकाका निम्ति सुरक्षित नभएको भन्दै ती चार जनालाई डिसेम्बर ३१ अगावै फाँसी दिनुपर्ने माग राखेकी थिइन्।
रक्षामन्त्री राजनाथ सिंहले उक्त घटना भारतका लागि लज्जास्पद भएको टिप्पणी गरेका थिए। उनले घटनाको निन्दा गर्ने उचित शब्द आफूसँग नभएको बताएका थिए।
कसरी भयो बलात्कार र हत्याको घटनार ?
नोभेम्बर २८ को साँझ स्थानीय समयानुसार छ बजेतिर २७ वर्षीया महिला आफ्नो स्कूटरमा चिकित्सकहाँ जाने भन्दै घरबाट निस्किएकी थिइन्।
पछि उनले आफ्नो स्कूटर पन्चट भएको, र एक ट्रक ड्राइभर सहयोग गर्न अघि सरेको जानकारी परिवारलाई फोनबाट दिएकी थिइन्। उनले आफू कुनै टल प्लाजा - सडकमा आवागमनका लागि पैसा तिर्ने ठाउँ मा पर्खिरहेको बताएकी थिइन् ।
त्यसको केही समयपछि उनलाई फोनमा सम्पर्क गर्ने प्रयास विफल भयो।
बिहीवार बिहान उनको मृत शरीर सडकको फ्लाईओभरु मुनि एक दूध व्यापारीले भेटेका थिए।
सन् २०१२ को डिसेम्बरमा राजधानी दिल्लीमा एक महिलाको बसभित्र सामूहिक बलात्कार र हत्या भएयता भारतमा महिलाविरुद्धका यौन हिंसा चर्चाको केन्द्रमा रहँदै आएको छ। तर त्यस्ता हिंसाका घटना कम भएका सङ्केत देखा परेका छैनन्।
अपराधबारे पछिल्ला सरकारी आँकडामा सन् २०१७ मा भारतभर प्रहरीले ३३,६५८ बलात्कारको घटना- अर्थात् प्रतिदिन ९२ रेकर्ड गरिएको उल्लेख छ।
सम्बन्धित समाचार
प्रतिकृया दिनुहोस