नेपाल बंगलादेशसँग ८ विकेटले पराजित
काठमाडौं । एसीसी इमर्जिङ एसिया कप क्रिकेट अन्तर्गत समूह चरणको अन्तिम खेलमा नेपाल बंगलादेशसँग ८ विकेटले पराजित भएको छ । नेपालले दिएको १ सय ३९ रनको सामान्य लक्ष्य बंगलादेशले २४ ओभरमा २ विकेट गुमाएर पुरा गर्यो ।
बंगलादेशका लागि नजमुल सान्टोले अविजित ५९ रन बनाए भने नैम शेखले ४५ रन बनाए । नेपालका करण केसी र सुशन भारीले १/१ विकेट लिए ।
यसअघि टस हारेर ब्याटिङको गरेको नेपालले ४४.३ ओभरमा सबै विकेट गुमाएर १३९ रन बनाएको थियो । नेपालका लागि कप्तान ज्ञानेन्द्र मल्ल र कुशल भुर्तेलले पहिलो विकेटका लागि ३३ रनको साझेदारी गरे । मल्ल १० रनमा आउट भए । यस्तै करणले १८, आरिफ शेख ११ रन बनाउनु बाहेक अन्य खेलाडीले दोहोरो अंकको स्कोर छुन सकेनन् ।
बंगलादेशका सैयद मिन्हाजुल आबेदीनले १० ओभरमा २९ रन खर्चेर ३ विकेट लिए । तनविर सिंहले १० ओभरमा २ मेडन सहित २६ रन खर्चेर २ विकेट लिए । सुमन खानले ८.३ ओभरमा २९ रन खर्चेर ३ विकेट लिए ।
मेहदी हसनले ९ ओभरमा १ मेडन सहित २५ रन खर्चेर २ विकेट लिए । पहिलो खेलमा भारतसँग पराजित भएको नेपालले दोस्रो खेलमा हङकङलाई पराजित गरेको थियो ।
प्रतिकृया दिनुहोस