नेकपा अनुशासन आयोगको अध्यक्षमा अमृत बोहरा
काठमाडौं । नेपाल कम्युनिस्ट पार्टीको सचिवालय बैठकले स्थायी कमिटी सदस्य अमृत बोहोरालाई केन्द्रीय अनुशासन आयोगको अध्यक्षमा चयन गरेको छ । सोमबार प्रधानमन्त्रीको सरकारी निवास बालुवाटारमा बसेको सचिवालय बैठकले विभिन्न निकायको नेतृत्व टुंग्याएको हो ।
बैठकले अनुशासन आयोगको सचिवमा अशोक रोकायालाई जिम्मेवारी दिने निर्णय गरेको छ। यसैगरी केन्द्रीय निर्वाचन आयोगको अध्यक्ष विष्णुपुकार श्रेष्ठ र सचिवमा माधव पौडेल चयन भएका छन्।
त्यस्तै केन्द्रीय सल्लाहकार कमिटीमा केशव बडाल र सचिवमा नन्दकुमार थापा छानिएका छन् ।
ज्येष्ठ कम्युनिस्ट मञ्चको अध्यक्षमा नन्दकुमार प्रसाईं र सचिवमा गोविन्द ज्ञवालीलाई छानिएको छ । नेकपाले प्रवास संगठन भने अझै टुंग्याएको छैन ।
प्रतिकृया दिनुहोस