• शनिबार ८-२१-२०७६/Saturday 12-07-2019
डबली

त्यो स्वरूप अनुरागको

फेरि सम्झे तिमीलाई

भर्खरै मात्र

आज जति सम्झेको छु

अनि लाग्छ

यो हिजोको भन्दा धेरै फरक छ 

अर्कै अनुराग छ यसमा 

माथिल्लो तहमा उठ्दै आएको

कुण्डलिनीमा जस्तो

त्यसैले यो बेग्लै छ

हिजोको जस्तो मिश्रण होइन यो अनुरागमा

म तिमीलाई अर्कै देखिरहेको छु

हिजोको त्यो केन्द्रिभूत भएको मिश्रणमा

अर्कै खुशीको सम्मिलन छ अहिले

घनिभूत भएका ती सतहको 

विभिन्न पत्रैपत्र पार गरेर

केही अगाडि बढे जस्तो लाग्छ

त्यसैले तिमीलाई अहिले सम्झदा

मेरो एक्लोपनाभित्र 

अनुरागको अर्को स्वरूपको सम्मिलन भएको छ

जति समेट्न खोज्छु त्यो स्वरूप

त्यति फराकिलो हुन पुगेको छु म
 

प्रतिकृया दिनुहोस
सम्बन्धित समाचार