नेपाल र कुवेतबीचको खेल दशरथ रंगशालामा नहुने
काठमाडौं । कतारमा आयोजना हुने फिफा विश्वकपको दोस्रो चरणको छनोट अन्तर्गत नेपालको पहिलो घरेलु खेल दशरथ रंगशालामा नहुने भएको छ ।
नेपाल र कुवेतबीचको अवे खेल मंसिर ३ गतेका लागि दशरथ रंगशालामा तय थियो । तर, पुनः निर्माण भईरहेको दशरथ रंगशाला अन्तर्राष्ट्रिय मापदण्ड अनुसार तय नहुँदा नेपाल र कुवेतको खेल नहुने भएको हो ।
एसियाली फुटबल महासंघ ९एएफसी० को प्रतियोगिता समितिका प्रतिनिधि देङ् सिओ लोङले रंगशालाको निरीक्षणपछि फिफा र एएफसीले दशरथ रंगशालालाई अयोग्य ठहर गर्दै एन्फालाई खेल स्थल परिवर्तन गर्ने निर्देशन दिएको हो ।
नेपालले यसअघिको खेलमा कुवेतसँग ७-० को हार व्यहोरेको थियो । चाइनिज ताइपेइमाथि २-० को जित निकालेको नेपालले अस्ट्रेलियासँग ५-० तथा जोर्डनसँग ३-० ले पराजय भोगेको थियो ।
सन् २०२३ मा चीनमा आयोजना हुने एएफसी एसिया कप छनोटको रुपमा समेत हेरिएको विश्वकप छनोटमा नेपाल समूह बी मा रहेको छ । छनोटको सबै अवे खेल खेलिसकेको नेपालले ४ खेलमा ३ अंक जोडेको छ । नेपाल समूहको चौंथो स्थानमा छ ।
सम्बन्धित समाचार
प्रतिकृया दिनुहोस