घट्यो सुनको भाउ, चाँदीको स्थिर
काठमाडौं । आज नेपाली बजारमा सुनको भाउ घटेको छ भने चाँदीको भाउ स्थिर छ ।
सुनको भाउ प्रतितोला २ सय रुपैयाँले घटेर कारोबार भइरहेको छ । हिजो छापावाल सुन प्रतितोला ७१ हजार २ सय रुपैयाँमा कारोबार भएको थियो भने आज २ सय रुपैयाँले घटेर प्रतितोला ७१ हजार रुपैयामै कारोबार भइरहेको नेपाल सुनचाँदी व्यवसायी महासंघले जनाएको छ ।
यस्तै तेजाबी सुन प्रतितोला ७० हजार ७ सय रुपैयाँमा कारोबार भइरहेको छ । हिजो (आइतबार) भने तेजाबी सुन प्रतितोला ७० हजार ९ सय रुपैयाँमा कारोबार भएको थियो । यसको मतलब छापावाल सुनमा झैं तेजाबी सुनमा पनि प्रतितोला २ सय रुपैयाँ घटेको छ ।
महासंघका अनुसार आज चाँदी प्रतितोला ८ सय ७० रुपैयाँमै कारोबार भइरहेको छ । यो भाउ गएको शुक्रबार यता स्थिर हो ।
सम्बन्धित समाचार
प्रतिकृया दिनुहोस