मिर्गौला किनबेचको आरोपमा निदान अस्पतालका सीईओ सहित ५ पक्राउ
काठमाडौं । मिर्गौला किनबेचको आरोपमा प्रहरीले ललितपुरको निदान अस्पतालका सीईओ सहित पाँच जनालाई पक्राउ गरेको छ ।
पक्राउ पर्नेहरुमा निदान अस्पतालका सीईओ काठमाडौं नागर्जुनका बिपेन्द्र प्रधान, निदान अस्पतालका लिगल अफिसर कुमुद कुमार भट्टराई, निदान अस्पतालका चिकित्सक डा. राजेश पन्त, जिल्ला प्रशासन कार्यालय ललितपुरका शाखा अधिकृत रामचन्द्र आले र मृर्गौला ग्रहण गरेका काठमाडौं स्वयम्भू बस्ने शंकरलाल लामा रहेका छन् ।
उनीहरुको मिलेमतोमा एक बिरामीको मिर्गौला शंकरलाल लामालाई बिक्री गरिएको पाइएपछि पक्राउ गरिएको अनुसन्धान ब्यूरोबाट खटिएको प्रहरीले जनाएको छ । पक्राउ परेका व्यक्तिहरु उपर मानव बेचबिखन तथा ओसारपसार (नियन्त्रण) ऐन,२०६४ अनुसार अनुसन्धान भइरहेको उक्त व्यूरोले जनाएको छ ।
सम्बन्धित समाचार
प्रतिकृया दिनुहोस